لدينا في المنزل ثورة رياضية غير طبيعية لم يسبق لها مثيل قائد هذه الثورة هي بنت اختي ... ايه لا تستغربون , طبعاً بيتنا قبل ثورة بنت أختي كان متواضع جداً ( يعني ان كثر و شجع و تحمس للمنتخب السعودي وَ الهلال ) .. ما شاء الله على اخواني ماعندهم ميل كروي و لا يتابعون أخبار و لايقرون جريدة الرياضية .. لكن بعد الثورة الوضع تغير 180 درجة ... بتقولون كيف ؟ ... طبعا بداية الثورة الهلال و صرنا نتابع كل شاردة وَ واردة تصير بنادي الهلال ... لكن الآن الوضع تغير وَ تطور بنت أختي العزيزة ما وقفت عند الهلال و خلاص
man .u. . لا .. قالت لازم احترف ... صارت البنت تشجع مانشستر يونايتد ( مره وحده ) .. ما امدانا نحفظ لاعبين الهلال إلا ودتنا
ماصارت , عاد ماشاء الله عليه تأثيرها قوي يعني غصباً علينا لازم نعرف كل شئ ( مدربهم السير .. و لاعبينه امثال كريستيانو رونالدو ) .. لم تكتفي بذلك فقد اضطر والدها للإشتراك بقناة
art , showtime
حتى تتابع اخبار الفريق و الدوري الانجليزي وَ دوري أبطال أوروبا ... طبعاً يوم الخميس تزداد حدة هذه الثورة ... يجتمعون عيال
اخواتي و كل واحد يشجع له نادي .... واحد تشيلسي ( هو ولاعبه درجبه ), و الثاني ارسنال ( هو لاعبه فابريجاس ...مدري ايش) تصير معارك في البيت خصوصاً إذا اجتمعوا في المباريات ضد بعض ... مساكين ضاقت صدورهم يوم اعرفوا ان مانشستر يونايتد راح يشارك في حفل اعتزال سامي الجابر ( طبعاً هم من مشجعي نادي الهلال ) . الغريب في الموضوع ان هذي الثورة اثرت على امي ... شلون ؟ اليوم امي جالسة تتابع قناة العربية الا يطلع خبر إعارة ياسر القحطاني لنادي مانشستر سيتي , هالموضوع جذب امي و راحت تقول لبنت اختي ( حركات امي ما تلعب ) , تستمر الثورة و يستمر تاثيرها على بيتنا العزيز
دمتم بخير
